Qeveria ka hapur një konkurs ndërkombëtar ku 10 studio arkitekturore prestigjioze do të konkurrojnë për të ndërtuar zyra të reja për administratën publike. Studiot pritet të paraqesin projekt-idetë e tyre përpara një jurie profesionale, duke propozuar 4 zhvillime të reja, ndërsa shteti do të ofrojë vetëm pronat publike, pa asnjë shpenzim tjetër financiar.
Rama tha se do të ndërtohet një kompleks i madh qeveritar ku do të vendosen një sërë institucionesh shtetërore që ofrojnë shërbime publike.
Ky projekt synon të sjellë një standard të ri në hapësirat e punës, duke u siguruar punonjësve të administratës mjedise dinjitoze. Kryeministri Edi Rama u shpreh se 20 projekte të reja do të pasurojnë arkitekturën bashkëkohore të Tiranës, duke e bërë qytetin edhe më tërheqës për sipërmarrjet vendase dhe të huaja, si dhe për vizitorët.
Sipas kryeministrit, kjo nismë përbën një shtysë të rëndësishme në transformimin urban të kryeqytetit, i cili po zhvillohet dita-ditës në një qendër moderne dhe tërheqëse.
