Partia Demokratike mbledh pasditen e sotme, në orën 18:00, Këshillin Kombëtar, ku pritet të zgjidhet ekipi i ri drejtues që do të asistojë kryetarin e partisë.
Sipas informacioneve të siguruara, në garën për postin e Sekretarit të Përgjithshëm të PD-së do të përballen Flamur Noka dhe Saimir Korreshi.
Ndërkohë, gara për postet e nënkryetarëve do të zhvillohet mes disa emrave të propozuar. Për një nga postet do të përballen Luciano Boçi dhe Belind Këlliçi, ndërsa për një tjetër Erisa Bajazhi dhe Nikola Kedhi.
Gjithashtu, mësohet se Fjoralba Dizdari do të jetë kandidate për postin e Sekretares për Integrimin.
Mbledhja e Këshillit Kombëtar pritet të përcaktojë strukturën e re drejtuese të Partisë Demokratike dhe rolet kyçe brenda saj.
