Komisioni Qendror i Zgjedhjeve ka bërë të ditur se deri në orën 13:00, pjesëmarrja në zgjedhjet e 7 qershorit ka arritur në 15.87 për qind.
Krahasuar me zgjedhjet e dhjetorit 2025, interesimi i qytetarëve për të votuar rezulton më i ulët. Në zgjedhjet e kaluara, deri në të njëjtën orë, pjesëmarrja ishte 18.6 për qind, ose rreth 3 për qind më e lartë se këtë herë.
Edhe në raport me zgjedhjet e vitit 2021, shifrat aktuale tregojnë një rënie të pjesëmarrjes. Katër vjet më parë, deri në orën 13:00, në votime kishin marrë pjesë 19.8 për qind e qytetarëve me të drejtë vote.
Komisioni Qendror i Zgjedhjeve pritet të publikojë përditësime të tjera gjatë ditës, ndërsa procesi i votimit po vijon në të gjitha qendrat e votimit në vend.
