Një shtetas shqiptar nga Kosova ka humbur jetën pas një sulmi me armë zjarri në Suedi.
Viktima është identifikuar si Gent (Milot) Maksutaj, me origjinë nga fshati Banjë i Istogut. Lajmi është konfirmuar nga familjarët, ndërsa Tahir Maksutaj, përmes një postimi në rrjetet sociale, ka bërë me dije se ai ishte një kalimtar i rastit, duke e cilësuar ngjarjen si pasojë e veprimtarisë së bandave kriminale.
Sipas autoriteteve, ngjarja ka ndodhur rreth orës 21:00 të së dielës në zonën e Uppsalës. Policia suedeze ka nisur hetimet për zbardhjen e plotë të rrethanave.
Deri më tani nuk raportohet për persona të arrestuar, ndërsa hetuesit po analizojnë pamjet e kamerave të sigurisë dhe po marrin në pyetje dëshmitarë okularë për identifikimin e autorëve të sulmit.
