Presidenti serb Aleksandar Vuçiç ka zgjedhur sërish të ironizojë lëvizjen studentore që prej muajsh proteston kundër qeverisë së tij, duke shmangur çdo përgjigje për kërkesat e protestuesve.
Duke komentuar protestën e zhvilluar në Kraljevë, Vuçiç tha se në të morën pjesë vetëm 3-4 mijë persona nga e gjithë Serbia dhe, me një ton përçmues, pyeti: “A janë Kokanoviç, Jovo Bakiç, Bozho Preleviç dhe Bodiroga e ardhmja?”, duke vënë në dyshim alternativën që përfaqësojnë studentët dhe mbështetësit e tyre.
Në të njëjtën konferencë, Vuçiç përsëriti se zgjedhjet do të mbahen brenda 3-4 muajve, ndërsa la të hapur mundësinë që të japë dorëheqjen si president në fund të korrikut, gjatë gushtit ose më 1 shtator, për t’u rikthyer si kandidat për kryeministër nëse propozohet nga kampi i tij politik.
Deklaratat e tij vijnë në një kohë kur protestat studentore vazhdojnë në mbarë Serbinë, duke kërkuar ndryshime politike dhe zgjedhje të parakohshme.
