Elis Roshkodoli është personi që u ekzekutua brenda një lokali në lagjen Ahmet Haxhiu në Zdrale të Shkodrës. Personi që e qëlloi per vdekje u largua në këmbë me të shpejtë.
Elis Roshkodoli në 2023 dyshohet për plagosjen e një rumuni dhe pas krimit u arratis në drejtim të Stambollit.
36-vjecari ka patur dhe me herët precedentë penalë. Në 2014, është arrestuar bashkë me disa shqiptarë të tjerë si i dyshuar për grabitje në Belgjikë.
Shkodër/Informacion paraprak
Rreth orës 12:30, në lagjen “Ahmet Haxhia”, në një lokal, dyshohet se një shtetas i paidentifikuar ka vrarë me armë zjarri shtetasin E. Rr., rreth 36 vjeç, banues në Shkodër.
Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër dhe drejtuesit e Drejtorisë dhe të Komisariatit të Policisë Shkodër.
Në ndihmë të Policisë Vendore kanë shkuar dhe dy grupe të Forcës Kombëtare të Sigurisë, Njësia Shkodër dhe janë vënë në ndjekje të autorit.
Gjithashtu është ngritur një grup hetimor i cili ndodhet në vendngjarje dhe po vijon punën intensive në bashkëpunim me Prokurorinë, për sigurimin e provave për dokumentimin ligor të kësaj ngjarjeje.
Nga veprimet paraprake në vendin e ngjarjes, grupi hetimor ka gjetur në çantën e dorës të 36-vjeçarit E. Rr., 1 armë zjarri pistoletë me fishekë në fole gati për qitje.
Vijojnë veprimet dhe kontrollet intensive, për identifikimin dhe kapjen e autorit.
