Një aksident ka ndodhur në aksin nacional Ura e Leklit-Përmet. Në afërsi të kthesës për në fshatin Kodër, tre automjete janë përplasur me njëri-tjetrin si pasojë e lagështisë në rrugë.
Mësohet se dy automjete kane qenë me turistë të huaj. Pjesëtarët e një familjeje franceze dhe pjesëtarët e një familje polake kanë ngelur të lënduar si pasojë e këtij aksidenti të trefishtë.
Policia bën të ditur se automjeti tip Ford ka goditur automjetin tip Volksvagen e marre me qira nga familja franceze në Tiranë. E me pas ka përfunduar me përplasjen me automjetin tip Mercedez Benz drejtuar nga një banor i zonës.
Si pasojë e përplasjes janë dëmtuar jo lehtë pjesëtaret e familjes franceze 3 fëmijë dhe nëna e tyre te cilët u dërguan me urgjence në drejtim të Spitalit Rajonal të Gjirokastrës si dhe pjesëtarë të familjes polake me gërvishtje të lehta.
