Drejtuesi i një motori në Vlorë ka përplasur një 20-vjeçare dhe një të mitur, 10-vjeçare. Ngjarja ka ndodhur në Bulevardin Vlorë-Skelë, ndërsa dy të lënduarit ishin duke kaluar rrugën në momentin që ndodhi përplasja.
Gjithashtu i dëmtuar ka mbetur 27-vjeçari që drejtonte motorin dhe të tre janë transportuar për në spital me ambulancë.
Policia ndodhet në vendin e ngjarjes dhe po heton për të zbardhur rrethanat e aksidentit.
Njoftimi i policisë:
Rreth orës 21:45, në bulevardin “Ismail Qemali”, shtetasi E. R., 27 vjeç, duke drejtuar motomjetin, ka aksidentuar dy shtetase këmbësore, konkretisht shtetasen A. R., 20 vjeçe dhe një shtetase të mitur 10 vjeçe.
Si pasojë e aksidentit, kanë mbetur të dëmtuar lehtë dy shtetaset së bashku me drejtuesin e motomjetit, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po kryen veprimet e mëtejshme për aksidentin.
