Policia e Lezhës shoqëroi 10 persona pas ekzekutimit të 65-vjeçarit Viktor Bardhi në fshatin Ndërfushëz, në Mirditë.
Burimet konfirmojnë se personat e shoqëruar janë pjesëtarë të fisit Reci apo lidhje të afërta të tyre, me të cilin fisi Bardhi është në hasmëri prej disa vitesh. Por, pasi atyre u janë marrë dëshmitë, janë lënë të lirë.
Hetuesit janë duke hetuar në disa pista, ku më kryesorja është vrasja për motive gjakmarrjeje. Viktor Bardhi është vëllai i Martin Bardhit, të vrarë në vitin 2023. Në janar të vitit 2024, u është vrarë nipi, Kristin Marku.
