Gjykata e Lartë prish vendimin dhe kthen për rigjykim në Apel çështjen penale të vrasjes së Kudret Saliajt.
Kolegji Penal i Gjykatës Supreme, pasi shqyrtoi dosjen penale, gjeti shkelje proceduriale dhe urdhëroi rigjykimin në shkallën e dytë të gjyqësorit, por me një trupë tjetër.
Për vrasjen e Kudret Saliajt është dënuar me burgim të përjetshëm ish-vjehrri i tij, Mexhit Picari, ish-punonjës i Policisë së Burgjeve. Ndërsa ish-bashkëshortja e tij, Dhurata Picari, u dënua me 4 vite e 6 muaj burgim.
Ajo mori pafajësinë për akuzën e bashkëpunimit në vrasje, pavarësisht se prokuroria kishte kërkuar dënimin e saj me 35 vite burgim.
Çifti, Dhurata dhe Kudret Saliaj, ishin në proces divorci kur ndodhi krimi i rëndë në muajin qershor të vitit 2021. Kudret Saliaj ishte ulur në një lokal pranë Gjykatës, kur u qëllua për vdekje nga ish-vjehrri. I plagosur në ngjarje mbeti edhe avokati Adriatik Cama.
