Vrasja e nje 14 vjecari sot ne Tirane, pak jave pas vrasjes se nje tjeter adoleshenti ne Shkoder eshte produkt i nje zvetenimi kulturor qe reflekton banalitetin tone shoqeror te shfaqur masivisht tek kultura e te fortit.
Kjo kulture eshte produkt i nje boshlleku te madh edukativ, te nje populli qe eshte mesuar te besoje tek forca, dhuna dhe paraja dhe jo tek vlera te tjera qe e pasurojne dhe zbukurojne vertere njeriun. Kjo kulture, vjen nga rruga dhe gjen masivitet, per tu shfaqur kudo, deri ne media dhe politika.
Sjellja e rruges dhe kodet e gangstereve adaptohen masivisht ndersa modelet e te forteve perfshire mentalitetin dhe setin e sjelljeve te tyre behen dominuese dhe superiore. Mund ta ndeshesh kete kudo neper rrjete sociale perfshi edhe tek gazetare e intelektuale qe pozojne me gjuhen, fodullekun, impostimin e gangove, cfare tregon mentalitetin qe i ushqe.
Krenaria e te identifikuarit me modelet idiote nga kultura e te fortit eshte mekanizmi qe na ben nje shoqeri te paafte per tu zhvilluar, nje shoqeri qe perdhos dhe perqesh vlerat njerezore si perunjesia, thjeshtesia, miresjellja, edukata, urtesia e dituria, duke e gjetur permbushjen tek dhuna, gangsterrizmi e rrugaçeria.
Ne kete mjedis, eshte e kuptueshme qe kjo shoqeri do prodhoje me shume adoleshente qe, me shume se libra, mbajne me vete thika. Per rrjedhoje, nje popull qe ze vendet e fundit ne konkurset e dijeve arsimore, do spikase ne parazitizem, banalitet, dhune e kriminalitet.
Nga Ergys Mertiri
