Sot, më datë 16 prill 2025, rreth orës 13:55, policia është njoftuar se në kanionet e fshatit Nivicë, Tepelenë, kanë mbetur të bllokuar në ujë 7 turistë spanjollë të cilët kërkonin ndihmë.
Në vendngjarje janë dërguar shërbimet e policisë, zjarrfikësit dhe ekipet e emergjencave civile, të cilat po punojnë intensivisht për të nxjerrë turistët nga zona ku ndodhen.
Sipas informacioneve të fundit, puna për shpëtimin e tyre vazhdon dhe besohet se turistët kanë kaluar pjesën më të rrezikshme të terrenit.
