Një aksident i rëndë hekurudhor ka ndodhur në Egjipt, ku dy trena pasagjerësh janë përplasur me njëri-tjetrin, duke shkaktuar plagosjen e të paktën 64 personave. Ngjarja ka ndodhur në provincën e Gizës, në një segment të rëndësishëm të rrjetit hekurudhor që lidh Kajron me jugun e vendit.
Sipas Hekurudhave Kombëtare Egjiptiane (ENR), treni me numër 134, i linjës Giza–Fayoum, është përplasur me pjesën e pasme të trenit me numër 2010, i cili po udhëtonte nga Kajro drejt Asuanit. Përplasja ka ndodhur mes stacioneve Kafr Ammar dhe Al-Raqqa, pranë kryqëzimit Gerza.
Four train carriages derailed in the city of El-Ayyat in northern Egypt. At least 140 people were injured. https://t.co/G8tR8glDes
— NEXTA (@nexta_tv) November 8, 2026
Menjëherë pas aksidentit, autoritetet mobilizuan një operacion të gjerë emergjence për të nxjerrë pasagjerët nga vagonët e dëmtuar dhe për t'u dhënë ndihmën e parë të plagosurve.
Shkaqet e përplasjes nuk janë bërë ende të ditura, ndërsa pritet që autoritetet të hetojnë rrethanat në të cilat njëri prej trenave goditi nga pas tjetrin.
