Shefja e Onkologjikut, Silvana Çeliku, ka qenë ditën e sotme që të raportojë në Komisionin e Shëndetësisë, e cila ka bërë deklarata shokuese për çdo mendje normale. Këto deklarata VNA i ka përmbledhur në një video të shkurtër që e kemi publikuar në rrejetet sociale, ku ndër të tjera Çeliku është shprehur se personi që është me kancer nuk do të thotë që nuk është për punë.
Më tej shefja e spitalit që para pak kohësh u përfshi në një skandal të pa ndodhur më parë, e pranon se ka mungesa ilaçesh dhe me mënyrën si e thotë e konsideron si diçka normale, dhe jo ilaçe për pacientë që luftojnë me vdekjen.
Dhe në fund fare për t’i vënë kapakun idiotlliqeve që thoshte, shefja e Onkologjikut është shprehur sejemi i vetmi vend në botë që nuk kemi rradhë pritjesh në spitale, pasi sipas saj, 2 dhe 3 javë nuk quhen pritje.
“Dhe unë do të them me fakte, sepse mjekësia është fakt në fakt. Të sëmuresh me kancer nuk do të thotë që ti je e paaftë për punë. A në je duke vdekur, ky pastaj ndryshon. Pra, ne mundohemi gjithmonë që të bëjmë më të mirën e mundshme. A ja arrijmë? Edhe mbase jo. A ka mungesa, ka pasur dhe do të ketë mungesa. Këtë nuk ka pse ta fshehim fare. Unë tani jam duke i mësuar se nuk i kam ditur, thashë, duke qenë mjeke e thjesht asnjëherë se kisha vrarë mendjen se si funksiononte një spital. Unë do të them që jemi vendi i vetëm në botë që nuk kemi rradhë pritje. 2 javë dhe 3 javë nuk quhen javë pritje. Jo! Sa e besoni ju mjekësinë shqiptare?” – është shprehur Silvana Çeliku.
Deklaratat e saj në Komisionin e Shëndetësisë, nuk janë as më pak dhe as më shumë por një fakt se Onkologjiku të metat i ka që nga drejtuesja e deri tek sanitaret. Për ta sjell në vëmendje, para disa javësh një hetim i Prokurorisë së Tiranës, zbuloi se një grup mjekësh të këtij spitali bënin biznes me ilaçet e të sëmurëve me kancer.
E meqenëse shefja në fund bën pyetjen “sa i besojmë mjekësisë shqiptare”, po i themi: zonja Silvana kur shohim se në krye të institucioneve janë njerëz si puna jote dhe se vartësit tuaj nuk kanë asnjë ndjenjë empatie, na bën të mendojmë se shëndetësia në vendin tonë ka marrë fund.
[video width="960" height="960" mp4="https://cdnimpuls.com/vna.al/wp-content/uploads/2024/07/WhatsApp-Video-2024-07-17-at-9.03.16-PM.mp4"][/video]
