Zbardhen të tjera biseda mes të dyshuarve si anëtarë të grupit kriminal që u godit në kuadër të operacionit “Ura”. Orges Molla, që përdor aplikacionin Sky ECC me PIN H1IQJ2, dhe Sueld Elezi, me PIN 81OG3O, bisedojnë për trafikimin e një sasie droge.
“Ajo kafja çfarë është? Çokollatë?… Vëlla, sa do për këtë çokollatën… komerciale…”, shkruan Elezi.
Molla i përgjigjet: “3.5… ty do të lë 3,300, që mos ta kuptojë ai çmimin, prandaj ta shkruajta me shkronja…”.
Në kuadër të operacionit “Ura” u firmosën 52 urdhër-arreste në Shqipëri dhe Itali. SPAK dhe antimafia e Barit goditën grupin e Xhevdet Troplinit, i njohur si Poja. Në kërkim u shpallën dy nipat e tij: Elvis Doci, i njohur si Visi Pojës, dhe Indrit Tafili.
Biseda mes Mollës dhe Elezit:
Sueld Elezi: Ku janë këto? Po ajo kafja çfarë është? Çokollatë?… Vëlla, sa do për këtë çokollatën… komerciale?
Orges Molla: 3.5… Ty do të lë 3,300, që mos ta kuptojë ai çmimin, prandaj ta shkruajta me shkronja…
Sueld Elezi: Se jam me këtë këtu. O vëlla, për të bardhën, se do mbyllen dhe rrugët… mund t’ma biesh sot? 60 ka cash sot ky vëlla, për 5 ditë të jap të tjerat në dorë. Vëlla, më beso, është njeri korrekt. E mbyllim gjithë për 5 ditë, vëlla, është njeri korrekt. Veç të jetë e mirë. Rri i qetë vëlla…
Orges Molla: S’kam çfarë të bëj…
Sueld Elezi: 3 copa dua… Ok, vëlla, aman… Me këtë jam…
Orges Molla: E “il autista” e ka varëse…
Sueld Elezi: Ok… vëlla, mos t’i dalim fjalës…
Orges Molla: Po çfarë ka me i dalë fjalës…
Sueld Elezi: Erdhi për të zezën në Kalabri… Se e kemi për çdo gjë… Po… Vëlla… 5 në javë… Do shohim për rrugën… Vëlla… Ok… Nesër a pret?
Orges Molla: Nesër e ke aty…
Sueld Elezi: Për zot, vëlla, kam një tjetër që merr 10 bukë në javë… me një dorë… të bardhë… Se m’i tregoi… Vetëm me lekë, vëlla… Të ruajt Zoti, vëlla…
Orges Molla: Do 2 dhe ke 60 në dorë…
Sueld Elezi: Ma sill po pate mundësi… Po nesër sa të vijnë, vëlla… Ok… M’i lë tre… Vëlla… Ok…
Orges Molla: A kupton vëllain…
Sueld Elezi: Vëlla… Po, për Zotin… 2… Ok nesër… Ok vëlla, ti e di… Se ky e di për 3 bukë… Ok…
