SPAK ka thirrur për të dhënë dëshmi zyrtarët e policisë të cilët takuan në bllokun e sigurisë Roven Zekën, shef qarkullimi në Tiranë i arrestuar nën dyshimet për korrupsion.
Të paktën njërit prej zyrtarëve të Drejtorisë së Policisë së Tiranës i është sekuestruar celulari. Ndërkohë janë marrë kamerat e sigurisë në qelitë e izolimit. SPAK ka sekuestruar edhe celularin e biznesmenit të ndërtimit Ndriçim Babasi lidhur me këtë çështje.
Zeka dhe dy vartësit e tij Sokol Novaku dhe Edison Tabaku u arrestuan nën dyshimet për korrupsion pasi liruan një grua të përfshirë në aksident me disa të plagosur dhe dyshohet se e bënë këtë kundrejt rryshfetit.
