Trupi i pajetë i Arben Lleshit vijon të mbahet në morgun e Tiranës, pasi ende famijarët e tij nuk kanë vendosur ta tërheqin për t’i dhënë lamtumirën e fundit. Lleshi, u ekzekutua gjashtë muaj më parë brenda qelisë së burgut të sigurisë së lartë në Peqin, nga Sokol Mjacaj një i dënuar me burgim të përjetshëm për vrasjen e dy turistëve cekë në 2015.
Pas ekzekutimit mafioz, familja e Arben Leshit nuk e tërhoqi trupin nga frika e gjakmarrjes. Më vonë, ngritën pretendime se trupi i pajetë nuk ishte i të afërmit te tyre, cka detyroi prokurorinë të kryente procedurën identifikimit përes shenjave të gishtërinjve. Në këtë mënyrë prokurorët rikonformuan se viktima ishte Arben Lleshi.
Burime pranë prokurorisë thanë se janë në pritje të vendimit të familjes së tij dhe nëse ata nuk e tërheqin dhe kryejnë ceremoninë e varrimit sipas procedurabe ligjore do ta varrosë Bashkia.
Arben Lleshi ishte dënuar për vrasjen e Agim Hoxhës dhe djegien e trupit të tij në Britaninë e Madhe. Pas kësaj ngjarje makabre, Arben Lleshit i janë ekzekutuar dy xhaxhallarët dhe dy kushërinjtë i janë zhdukur pa gjurmë prej vitesh.
I fundit që u ekzekutua ishte vetë Lleshi ndonëse ishte në qeli. Krimi dyshohet të ketë ndodhur për motive hakmarrje dhe Sokol Mjacaj ka vepruar sipas prokurorëve kundrejt pagesës.
