Një çift turistësh turq kanë tërhequr zvarrë me makinën e tyre rojen e një parkingu privat pranë Kalasë së Krujës, i cili tentoi t’i ndalonte pasi ata po largoheshin pa paguar faturën. Sipas policisë, roja Bujar Dedja ishte kapur mbi kofanon e makinës, por drejtuesi i mjetit nuk është ndalur, duke e tërhequr zvarrë për disa metra. Pasi ka rënë nga makina, roja ka pësuar dëmtime të rënda në kokë. Ai është dërguar në Spitalin e Traumës për trajtim të specializuar, ndërsa policia ka arrestuar turistët.
