Presidenti i SHBA-së, Donald Trump, deklaroi se marrëveshja me Iranin nuk mund të konsiderohet ende përfundimtare.
Komentet ai i bëri këtë të mërkurë gjatë një takimi me Presidentin e Egjiptit, Abdel Fattah el-Sisi.
Trump paralajmëroi se nëse nuk do të jetë i kënaqur me rezultatet e marrëveshjes ose nëse Irani nuk do t’i përmbahet kushteve të saj, SHBA-të mund të rikthehen në veprime ushtarake kundër Teheranit.
Ai shtoi gjithashtu se Shtetet e Bashkuara nuk po investojnë në Iran, duke kundërshtuar raportimet se Uashingtoni ishte i gatshëm të lejonte krijimin e një fondi investimi në këmbim të pranimit nga Teherani të një marrëveshjeje përfundimtare.
Marrëveshja mes palëve pritet të nënshkruhet zyrtarisht të premten në Zvicër.
