SPAK i komunikoi akuzë të re në paraburgim Plarent Dervishajt dhe Erion Alibejt, i njohur si i penduar i drejtësisë, nën dyshimet për trafik droge. Në kuadër të aksionit që u ndërmor të premten, u arrestuan dy vëllezërit Artur dhe Klevis Hoxhaosmani, Ermir Ndreaj dhe Ilir Lloshi. Ndërsa një person i shtatë u shpall në kërkim pasi ndodhet jashtë vendit.
Gjatë aksionit u sekuestruan ora dhe bizhuteri të tjera të shtrenjta, si dhe makina luksoze. SPAK goditi grupin kriminal pas zbërthimit të qindra bisedave në aplikacionin e koduar Sky ECC, si dhe rrëfimeve të Alibejt. Erion Alibej u përball në një seancë të tensionuar në Gjykatën e Posaçme me Dervishajn, i cili po gjykohet për atentatin ndaj ish-prokurorit të Durrësit, Arjan Ndoj, me një të vrarë dhe dy të plagosur.
