Media ndërkombëtare CNN raporton se kanë nisur përgatitjet për një takim mes Presidentëve Donald Trump dhe Vladimir Putin.
Ka një "optimizëm të rinovuar" në Moskë për bisedimet që mund të çojnë në përfundimin e luftës në Ukrainë, duke e vendosur këtë çështje mbi marrëveshjet ekonomike SHBA-Rusi.
Diskutimet po zhvillohen me dyer të mbyllura. Muajin e kaluar, Sekretari i Shtetit të SHBA, Marco Rubio, dhe Ministri i Jashtëm rus, Sergei Lavrov, udhëhoqën raundin e parë të bisedimeve SHBA-Rusi, duke lënë mënjanë Ukrainën.
Trump ka premtuar një marrëveshje paqeje në Ukrainë dhe ka kërkuar një marrëveshje me Zelensky për mineralet e Ukrainës, që do t'i mundësonte SHBA-ve akses në burime të mëdha nëntokësore.
