Skiatorja që përfaqëson Shqipërinë, Lara Colturi, ka përjetuar një gjendje jo optimale shëndetësore gjatë dy garave të fundit të Kupës së Botës.
Sipas raportimeve, temperatura e lartë që e shoqëroi gjatë garës në Itali, duket se ka vazhduar dhe është përkeqësuar gjatë udhëtimit të saj drejt Republikës Çeke, ku nuk arriti të përfundojë garën. Pas këtyre episodeve, një nga sponsorët kryesorë e transportoi Colturin në një spital të specializuar për analiza dhe kontroll të mëtejshëm.
Autoritetet sportive dhe mjekët bëjnë me dije se nuk bëhet fjalë për ndonjë problem serioz, por për një ftohje dhe disa kontrolle shtesë që synojnë rikuperimin e plotë të skiatores. Qëllimi është që Lara Colturi të arrijë formën optimale për garën e saj të planifikuar më 15 shkurt, vetëm disa ditë pas fillimit të Lojrave Olimpike.
