Gjykata e Gjirokastrës caktoi masën e sigurisë “arrest në shtëpi” për Dali Nelajn, Aldo Kalemin dhe Ermal Matajn, të dyshuar për përfshirje në përplasje me armë zjarri në Memaliaj, ku mbeti i vrarë Endri Goxhaj.
Burime pranë prokurorisë thanë se dy të dyshuarit e parë u referuan për akuzën e vrasjes në bashkëpunim, ndërsa Mataj për pengim të zbardhjes së të vërtetës.
Nga hetimet rezulton se gjithçka nisi si një konflikt fizik mes 7 personave. Rezulton se në sherr e sipër Goxhaj qëlloi me pistoletë ndaj Nelajt duke e lënë të plagosur.
Vëllezërit Donaldo dhe Marjoldo Nelaj kanë reaguar me armë ndaj 30-vjeçarit Goxhaj duke e lënë të vrarë.
Dy vëllezërit Nelaj ndodhen në kërkim.
