Një vendim i Gjykatës se Lartë te Indisë ka ndaluar përdorimin e telefonave celularë në zonat turistike të rezervateve të tigrit, për të mbrojtur kafshët dhe vizitorët nga sjelljet e rrezikshme.
Vendimi vjen pas rasteve të përsëritura ku turistët kanë rrethuar kafshët për foto. Një video nga Parku Kombëtar Ranthambore tregoi një tigër të stresuar mes disa makinave safari, ndërsa njerëzit bënin foto dhe bërtisnin.
Rregullat kryesore
Telefonat ndalohen ose duhet të mbahen të fikur
Ndalohet lëvizja në rezervate gjatë natës
Kufizohet ndërtimi pranë zonave të mbrojtura
India ka mbi 3,600 tigra të egër, kryesisht në rezervate si Parku Kombëtar Jim Corbett. Por rritja e turizmit ka sjellë edhe probleme si grumbullimet e automjeteve dhe ndjekja e kafshëve për foto.
Ekspertët theksojnë se problemi nuk janë vetëm telefonat, por sjellja e turistëve dhe dëshira për foto “perfekte”.
Ky vendim shihet si një hap drejt turizmit më të përgjegjshëm, ku prioritet mbetet ruajtja e natyrës.
