Sot u zhvillua shorti i fazës së play-off të UEFA Champions League, ku 16 skuadrat e kualifikuara njohën rivalët e tyre për rrugëtimin evropian të këtij sezoni.
Finalistët e sezonit të kaluar, Interi i Italisë, do të përballen me Bodo Glimt. Ndeshja duket e lehtë për ekipin e drejtuar nga Christian Chivu, por norvegjezët kanë treguar rritje cilësore, duke mundur më parë Cityn dhe Atleticon e Madridit.
Real Madrid, fituesja rekord 15 herë e Ligës së Kampionëve, do të sfidojë sërish Benficën e Lisbonës. Pak ditë pas përballjes së fundit që përfundoi 4-2 në favor të portugezëve, “Los Blancos” do të kërkojnë hakmarrje në play-off.
Derbi francez vjen me kampionët në fuqi të PSG që do të përballen me Monacon, ndërsa bardhezinjtë e Napolit, të drejtuar nga Luciano Spalletti, do të sfidojnë turqit e Galatasarayt.
Atletico Madrid do të përballet me belgët e Club Brugge, ndërsa Atalanta e Bergamos do të ketë një sfidë të vështirë me Borussia Dortmund. Leverkusen, në letër favorit, do të luajë kundër Olympiakos.
Ndeshjet e para të fazës play-off do të zhvillohen më 17 e 18 shkurt, ndërsa ato të kthimit një javë më vonë.
