Portieri i Italisë, Gianluigi Donnarumma, ka reaguar pas humbjes së kombëtares italiane ndaj Bosnjës Hercegovinës duke e lënë jashtë botërorit të këtij viti.
Në një postim në rrjetet sociale, gardiani italian thotë se disfata e ka prekur thellë, duke treguar se ka derdhur lot pas ndeshjes.
‘Mbrëmë, pas ndeshjes, kam qarë. Sot, fjalët vlejnë pak, është e vërtetë. Por ka një gjë që e ndiej thellë dhe që dua ta ndaj me ju. Pas një zhgënjimi kaq të madh, duhet të gjejmë guximin për të kthyer faqen, edhe një herë. Dhe për këtë duhet shumë forcë, pasion dhe bindje’, ka shkruajtur Donnarumma.
Italia u mund mbrëmë në ndeshjen e play off nga Bosnja me rezultatin 2 me 1, duke i lënë të kaltrit jashtë botërorit.
