SPAK ka marrë në pyetje ditën e sotme biznesmenin Artan Sako, vëllai i ish-drejtorit të Gardës së Republikës Gramoz Sakos.
Burime bëjnë me dije se Sako ka qëndruar për rreth 1 orë dhe është pyetur në cilësinë e personit në dijeni, por ende nuk dihet zyrtarisht rreth çështjes për të cilën po heton SPAK.
Artan Sako është lakuar shpesh për aktivitetin e tij, ku në të paktën dy procedime të mëparshme të SPAK, kompania që posedon rezulton se ka marrë pjesë në tendera publik. E para, ka të bëjë me hetimet për ish-kreun e Autoritetit Rrugor Shqiptar Evis Berberin, teksa ky i fundit ra në pranga për korrupsion pasiv dhe pastrim parash.
