Nga foltorja e Kuvendit deputetët e opozitës cituan pjesë të rezolutës të Parlamentit Europian për Shqipërinë. Nga Jorida Tabaku, tek Flamur Noka dhe Albana Vokshi, shprehën shqetësimin si disa vendime të qeverisë, që nga licencat për kanabisin, falja e gjobave dhe përdorimi i burimeve shtetërore u përdoren për zgjedhjet e 11 Majit. Këto deklarata duket se nuk u pritën mirë as nga kryeparlamentarja Elisa Spiropali, e cila i çoi të fala Berishës, i cili mungoi sot për arsye shëndetsore dhe as nga Taulant Balla. Nga foltorja e Kuvendit, Balla i cilësoi të turpshme deklarata e Berishës në EPP. Madje ai shkoi më tej duke thënë deputetëve të opozitës se po rinumprojnë votat për të shtyrë kohën. Dhe se një ndër arsyet përse opozita është në këtë gjendje janë edhe prania e figurave si Noka dhe Vokshi, që sipas tij, me siguri do jenë deputet edhe në 2029, ndaj dhe maxhoranca nuk po i kërkon dorëheqjen Berishës. Fjala U kërkua përse ne nuk bëjmë nje debat për zgjedhjet. Por debatin për zgjedhjet në momentin në fjalë po e bëjnë institucionet që kanë për detyrë të administrojnë zgjedhjet, aty ku ju keni shfrytëzuar edhe të drejtën që e kemi dakordësuar së bashku 13 vite më parë për të kërkuar rinumërim edhe pse e dini fare mirë që nga ky rinumërim nuk del asgjë sa i përket rezultatit të përgjithshëm. E vetmja gjë që po del është naj votë tek tuk. Naj komisioner i juaji ja ka kaluar ndonjë kandidati tjetër, por brenda atij marzhit të një gabimi njerëzor të deritanishëm. I referohem këtu procesit të rinumërimit në qarkun e Dibrës zoti Dogjani. Biem të gjithë dakord që ato 20 vota që kishin shkuar nga Gjunkshi te tjetri nuk ishin thjeshtë, janë brenda marzhit të gabimit. Por ne nuk mund të bëjmë një debat për zgjedhjet tani. Ju mund ti bëni një shërbim vendit meqë se flasim për eficencë energjie, të bëjmë edhe një eficencë sepse e keni futur procesin e numërimit thjesht dhe vetëm për të shtyrë kohën. Se ne nuk ua kërkojmë dorëheqjen e Saliut, rrini të qetë nga kjo pjesë , ne jo njëherë. Ata që ua kërkojnë zgjidhni hallin brenda jush. Por e rëndësishme është që kur vini këtu dhe kërkoni debat për zgjedhjet, po çfarë debate të bëjmë ne këtu? Rezultati i zgjedhjeve është më i qartë se asnjë herë tjetër. Për ta përmbyllur, ne jemi këtu para jush për t iu përgjigjur sot çështjeve që lidhen me eficencën e energjisë. Sa i përket integrimit dhe s ai përket imazhit të Shqipërisë, thirrja ime është hiqni dorë nga ai turp i madh se do vazhdoni të zhyteni edhe më shumë. Vota e shqiptarëve dhe mbi të gjitha vota e diasporës në 11 maj ishin vlerësim për punën e Ramës dhe ndëshkim për sjelljen tuaj ndaj Shqipërisë gjatë gjithë këtyre viteve. Shqiptarët për budallenj nuk i merr dot askush, asnjeri prej tyre dhe siç ua matën kokën në 2025, edhe në 2029 njësoj do ndodhë.
