Një konflikt i çastit brenda një familjeje në Korçë ka përfunduar me plagosjen e një 18-vjeçari, ndërsa në pranga ka rënë njerku i tij.
Sipas informacioneve paraprake, rreth orës 21:55, në Spitalin e Korçës është paraqitur i plagosur në kokë me mjet prerës shtetasi A. S., rreth 18 vjeç.
Nga verifikimet e para rezulton se i riu është dëmtuar gjatë një sherri për motive të dobëta me njerkun e tij, shtetasin N. B., 37 vjeç. Pas ngjarjes, autori i dyshuar është larguar nga vendi për t’iu shmangur Policisë.
Shërbimet e Policisë kanë reaguar menjëherë, duke bërë të mundur lokalizimin, kapjen dhe shoqërimin në Komisariat të 37-vjeçarit. Ai ndodhet në dispozicion të autoriteteve, ndërsa vijojnë veprimet procedurale për zbardhjen e plotë të rrethanave të ngjarjes.
