Gjykata e Lartë vendosi mospranimin e rekursit të Belinda Ballukut dhe la në fuqi masën e sigurisë “pezullim nga ushtrimi i funksioneve” për ish-zv.kryeministren dhe ish-ministren e Infrastrukturës.
Vendimi u mor nga Kolegji Penal, me relator Ilir Pandën. Belinda Balluku paraqiti rekurs në gjykatën supreme dhe kundërshtoi masën e pezullimit, duke pretenduar se ishte larguar nga funksionet që mbante dhe se, sipas saj, masa kishte rënë nga fuqia.
Ish-numri dy i qeverisë është duke u hetuar për korrupsion dhe pastrim parash, si edhe është e pandehur për abuzime me tenderët e rrugëve.
