Katërmbëdhjetë gra, të cilat vuanin dënimin në Institucionin e Ekzekutimit të Vendimeve Penale (IEVP) të grave në Pojskë të Pogradecit, kanë lënë sot qelitë dhe i janë rikthyer lirisë, pasi përfituan nga amnistia.
Shifra është konfirmuar nga burime zyrtare pranë Drejtorisë së Përgjithshme të Burgjeve.
Të njëjtat burime bëjnë me dije se nga amnistia kanë përfituar edhe dy të mitur.
Sipas të dhënave përfundimtare të raportuara nga IEVP-të, në bazë të ligjit “Për dhënie amnistie”, 553 persona të dënuar kanë përfituar lirim të menjëhershëm, ndërsa 863 të tjerë kanë përfituar ulje të dënimit.
