Gjykata e Lartë do të shqyrtojë me 15 tetor kërkesën e ish-deputetit Ervin Salianji, për pezullim të ekzekutimit të dënimit me burg. Nga të dhënat e faqes zyrtare të gjykatës rezulton se kërkesa do te shqyrtohet nga një Kolegj Penal me relator gjyqtarin Sokol Binaj.
Ish-deputeti demokrat kërkon të mos e vuajë dënimin me 1 vit burg, thënë ndryshe të pezullohet pasi vajtja në qeli i shkakton pasoja të rënda, si humbjen e mandatit të deputetit dhe pamundësi kandidimi në zgjedhjet parlamentare të 2005. Salianji u dënua me 1 vit burg për dosjen Babale dhe aktualisht ndodhet në burgun e Fierit duke vuajtur këtë dënim. Salianji e konsideron verdiktin e gjykatës si sulm politik dhe hakmarrje të Fatmir Xhafajt.
