Ditën e dytë të punës, Drejtori i Përgjithshëm i Policisë së Shtetit Ilir Proda e ka nisur me propagandën e përgatitur nga qeveria. Ai ka shpërndarë për mediat një njoftim ku “mburret” se ka emëruar Drejtoreshë të Burimeve Njerëzore në Drejtorinë e Përgjithshme të Policisë së Shtetit, Anisa Duçkollari, bashkëshorten e Dëshmorit të Atdheut, Saimir Duçkollari.
Që një drejtor, zgjedhja e të cilit u pretendua se u bë me konkurs, të emërojë në një detyrë të rëndësishme një zonjë vetëm sepse është bashkëshortja e një dëshmori të atdheut, tregon qartë mungesën e standardit profesional.
Zonja Duçkollari e meriton detyrën e re edhe pa i përmendur bashkëshortin e vrarë në krye të detyrës. Ta përdorësh meritën e një profesionisteje të policisë në funksion të zyrës së propagandës nuk tregon respekt për bashkëshorten e një një dëshmori të rënë në krye të detyrës. Respekti nuk tregohet me emërimin e gruas, por me vlerësimin për punën dhe jetën e të gjithë punonjësve të rendit të vrarë në krye të detyrës. Çdo punonjës policie i vrarë në detyrë duhet vlerësuar dhe respektuar. Për këtë, shteti shqiptar ka hartuar ligje dhe rregulla që, më shumë sesa të përdoren në mënyrë selektive për propagandë, duhet të jenë standarde të respektuara nga të gjithë drejtuesit e policisë dhe ministrat e rendit.
Saimir Duckollari u bra nga Dritan Dajti në gusht të 2009 bashkë me 3 oficerët e tjerë Kastriot Feskaj, Fatos Xhani dhe Altin Dizdari. Pas një dekade e gjysmë perballje me drejtësisë Dajti u dënua së fundmi me burgim të përjetshëm.
