Kreu i Partisë Demokratike ka reaguar në lidhje me një qëndrim të Departamentit të Shtetit, i cili është pyetur nga gazetari amerikan Marc Caputo në lidhje me mundësinë e udhëtimit të Sali Berishës në SHBA.
Lidhur me këtë, Berisha tha sot në një deklaratë për mediat se kjo mbështetje dhe vendim nga administrata e Trump është një vendim për t’u përshëndetur, teksa tha se e sheh si një shpërblim për të gjithë demokratët që qëndruan krah kauzës së drejtë.
Pyetjes direkte se a është hequr “non grata” Sali Berisha, iu përgjigjën në mënyrë të vagullt duke thënë se vendimi ndaj tij është konsideruar vendim politik.
Kryetari i PD nuk dha një sqarim nëse bashkë me të, në këtë qëndrim të ri të Departamentit Amerikan të Shtetit të pretenduar prej tij, përfshihen dhe familjarët e tij, bashkëshortja dhe fëmijët, të shpallur bashkë me të “non grata”.
