Pas zgjedhjeve të 2021-it në aeroportin e Kukësit nuk fluturoi asnjë avion.
Mund të duket rastësi, por në fakt, i njëjti skenar si me hapjen e aeroportit të Kukësit, ndodhi sot me aeroportin e Vlorës.
Tre ditë para zgjedhjeve parlamentare të 11 majit, Edi Rama bashkë me Belinda Ballukun kanë përuruar hapjen e aeroportit të Vlorës.
Në 18 prill 2021, në Kukës, tre ditë para zgjedhjeve parlamentare të 2021, po Rama dhe Balluku përuruan këtë aeroport. Asokohe, në fluturimin e parë Rama solli edhe emigrantë shqiptarë nga Anglia, si për të treguar suksesin e tij.
Fakt që pas këtij fluturimi në 2021 asnjë avion nuk fluturoi më. Aeroporti i mbyll dhe investimi mbeti në nivelin e deklaratave dhe tam tameve për zgjedhje.
Sot, Rama premtoi "ringjalljen" e aeroportit të Kukësit dhe hapjen e aeroportit të Vlorës.
Sipas kryeministrit aeroporti i Vlorës jo vetëm do rrisë konkurrencën dhe përfitimet për udhëtarët por do zhvillojë rajonin e Jugut dhe mbarë vendin.
Ai tha se po punohet që nga aeroporti i Vlorës të kryhen udhëtime transoqeanike.
“Për ta vërtetuar kam sjellë me vete edhe certifikatën që mos më thonë është Photoshop, është regjistruar që në muajin janar, por po punohet për sigurimin e avionëve. Ka nga ata që thonë se fluturimi i sotëm është fake dhe ky aeroport do të mbetet si Kukësi. Dua të zbuloj një surprizë, po është e vërtetë që aeroporti i Kukësit ka pasur problematikat e tij për të siguruar operatorët dhe me pistën e uljes. Siç ndodhi me aeroportin e Tiranës, që ishte një nga aeroportet më të shtrenjtë të Europës. Një kompani e re shqiptare do të nisë së shpejti në aeroportin e Kukësit, për të mos i ndalur më. “Air Kosova” do të jetë kompania tjetër shqiptare, këta dy avionë do të jenë avionët e krenarisë tonë të përbashkët.
Për ta vërtetuar kam sjellë me vete edhe certifikatën që mos më thonë është Photoshop, është regjistruar që në muajin janar, por po punohet për sigurimin e avionëve.” – tha Rama.
