Ndërsa në Tiranë pritet të zhvillohet protesta e pestë radhazi kundër projektit të resortit në Zvërnec, Kryeministri Edi Rama do të zhvillojë këtë të premte në mbrëmje një takim me banorët e zonës.
Sipas informacioneve, takimi është planifikuar të nisë në orën 18:00 dhe do të mbahet në sallën e Këshillit Bashkiak të Vlorës. Në të pritet të marrin pjesë edhe përfaqësues të Bashkisë Vlorë.
Bëhet me dije se diskutimet do të përqendrohen te çështjet që prekin komunitetin lokal, si dhe te shqetësimet dhe problematikat e ngritura nga banorët e Zvërnecit.
Ky takim zhvillohet në një moment kur kundërshtimet ndaj projektit të resortit në Zvërnec kanë marrë përmasa më të gjera, duke u shtrirë përtej zonës dhe duke u reflektuar përmes protestave të organizuara edhe në Tiranë.
