Pasi asgjësuan reformën zgjedhore dhe mbyllën sërish listat për deputetë, Partia Socialiste dhe Partia Demokratike bëhen sërish bashkë, tashmë kundër Komisionit Qedror të Zgjedhjeve për numërimin e votave të emigrantëve.
Lënia jashtë procesit të numërimit të votave të emigrantëve nuk u prit mirë nga dy partitë e mëdha të cilët kundërshtuan idenë e Komisionerit Ilirjan Celibashit që depolitizimi i trupës zgjedhore të nisë nga Diaspora.
Projektvendimi i KQZ i cakton PS dhe PD vetëm rol vëzhguesi në tavolinat ku do të hapen zarfet që vijnë nga diaspora, ndërkohë që numërimi i votave nga jashtë i lihet ne dorë njerëzve jo politik të cilët do të përzgjidhen nga KQZ.
“Nuk jam dakord me termin “anëtar vëzhgues” – tha përfaqësuesja e PS, Elena Xhina
“Në asnjë gërmë nuk i jepet leje kreative KQZ-së që të shpikë një proces të ri, teksa Kodi Zgjedhor ka rregulla për të gjithë procesin. Nuk jeni të autorizuar të shpikni procedurë krejt të re, ndryshe nga ajo e shqiptarëve që votojnë brenda vendit” – u shpreh përfaësuesi i PD, Ivi Kaso.
Mungesa e dakordësisë bëri që mbledhja e Komisionit Rregullator të mbyllej pa vendimmarrje dhe për vendndodhjen se ku do të numërohen votat e diasporës.
Ky rast tregon dhe një herë frikën e dy partive të mëdha të cilat kur nuk kanë në dorë proceset që mund të rrezikojnë pushtetin e kryetarëve respektivë, harrojnë luftën politike dhe bëhen bashkë në të mirë të interesave personal të tyre.
