"Mos më shtyni në ngasje, nuk komentoj se më nxite të qeshurën me atë që të të them unë se kush mund të jetë ky Anesti, nuk komentoj të lutem". Kryeministri Edi Rama ka refuzuar të komentoj në lidhje me hetimin që po i bëhet kryebashkiakut Erion Veliaj. Gjatë fjalës me gazetarët, Rama i pyetur se kush është personi që kallëzoi kryebashkiakun, theksoi se ky është një rast specifik por ai nuk ka asnjë koment. Po ashtu ka deklaruar se asnjë përfaqësues i PS nuk është i lejuar të bëjë asnjë koment mbi çështjet e drejtësisë. Sipas Ramës ky rast është shumë specifik për shumë arsye, por unë nuk kam asnjë koment dhe deri tani nuk kam parë asnjë akuzë konkrete për persona konkretë. Unë personalisht nuk dua të bëj asnjë koment, natyrisht asnjë përfaqësues i PS nuk është i lejuar të bëjë asnjë koment. Do shikojmë procesin që sic po e ndiqni ju, jo vetëm me vëmendje por dhe me uri të madhe, ne pa uri por me vëmendje po e ndjekim me shumë kujdes," tha Rama.
