Kryeministri Edi Rama ka folur nga Vlora lidhur me projektin e ndërtimit në zonën e mbrojtur të Zvërnecit, për të cilin prej ditësh qytetarë në Tiranë dhe qytete të tjera të vendit kanë zhvilluar protesta.
Pas takimit me banorët e zonës, Rama u përball me një gazetar italian, i cili e pyeti mbi vijimin e investimeve në Shqipëri në kushtet e protestave masive kundër projektit.
Në përgjigjen e tij, kryeministri u shpreh se situata nuk ndikon në ecurinë e punëve në vend.
“Shqipëria është një vend demokratik. Jeta vazhdon përpara, punët vazhdojnë përpara”, tha Rama.
I pyetur nëse u “gjunjëzohet” liderëve të huaj, Rama u përgjigj: “jo, unë i gjunjëzohem vetëm Giorgia Melonit.”
Gazetari tentoi ta vijonte pyetjen duke përmendur edhe Donald Trump dhe vajzën e tij, Ivanka Trump, por kryeministri u përgjigj se nuk është gjunjëzuar para tyre.
