Policia në Durrës ka goditur një grup të lidhur me çështje droge. Të arrestuar janë të paktën gjashtë persona. Aksioni është zhvilluar mbrëmjen e kaluar.
Grupi që është goditur drejtohet nga Xhevdet Plaku. Ky i fundit ishte në shënjestër të një atentati të organizuar nga kundërshtari i tij Rexhep Rapi, i njohur si Kep Arapi, dhe nipi i këtij të fundit, Algert Rapi.
Xhevdet Plaku ka rekorde të theksuara kriminale. Kep Arapi planifikoi ta vriste për motive hakmarrjeje në derën e policisë së Durrësit. Të dhënat për lëvizjet e Plakut i jepte oficeri i policisë Dedan Gjoni, i arrestuar tashmë. Xhevdet Plaku u arratis në janar të 2025 nga burgu në Itali.
