Prokuroria e Posaçme ka marrë të pandehur deputetin socialist Plarent Ndreca. Akuza për "shkelje të barazisë në tendera" i është komunikuar përmes avokatit të tij, Ermal Yzeiraj. Ndreca akuzohet për abuzim me një tender për rikonstruksionin e katër komisariateve gjatë kohës kur mbante pozicionin e Sekretarit të Përgjithshëm në Ministrinë e Brendshme.
Njoftimi
Duke iu përgjigjur interesit të gjerë publik, ju komunikojmë se më dt.25.10.2024, të pandehurit, Plarent Ndreca, i është komunikuar, përmes avokatit të tij, përfundimi i hetimeve për procedimin penal nr.240/2021 për veprën penale _“Shkelje e barazisë së pjesëmarrësve në tendera apo ankande publike”,_ parashikuar nga nenet 258 dhe 25 të Kodit Penal. Më shumë detaje do të vijojnë në një moment të dytë.
