Më 14 nëntor 2024, rreth orës 21:15, një ngjarje e rëndë ka ndodhur pranë tunelit të Krrabës, ku Policia e Tiranës ka arrestuar një 21-vjeçare. E reja, e cila po drejtonte automjetin nën efektin e drogës, ka përplasur një efektiv policie, i cili ishte në vendngjarje për të dokumentuar një aksident tjetër të ndodhur më herët.
Efektivi i policisë është dërguar me urgjencë në spital për të marrë ndihmën mjekësore të nevojshme.
Policia ka arrestuar 21-vjeçaren dhe ka nisur hetimet për zbardhjen e plotë të ngjarjes.
