Një aksident ka ndodhur në aksin rrugor “Koplik-Shkodër”, ku janë përplasur dy mjete, e për pasojë kanë mbetur të plagosur tre fëmijë.
Prokuroria ka nisur procedimin penal për një 21-vjeçar me inicialet A. H., pasi në aksin rrugor “Koplik-Shkodër”, ka kryer manovër të gabuar dhe i ka ndërprerë rrugën automjetit me drejtues 50-vjeçari me inicialet F. Rr., banues në fshatin Pjetërshan.
Si pasojë, janë dëmtuar lehtë fëmijët e mitur 5, 6 dhe 7 vjeç, që udhëtonin në makinën që drejtohej nga shtetasi F. Rr.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
