Protesta që zhvillohet prej 71 ditësh ka vijuar edhe sot, ndërsa pjesëmarrësit kanë kaluar para ambasadave të Serbisë dhe Ukrainës me thirrjet “UÇK”.
Ky reagim lidhet me deklaratën e djeshme të presidentit ukrainas Volodymyr Zelensky në Beograd, ku ai konfirmoi se Ukraina nuk ka ndryshuar qëndrimin për mosnjohjen e pavarësisë së Kosovës.
Gjatë marshimit pranë selive diplomatike, protestuesit kanë brohoritur “UÇK”, duke e kthyer kalimin e tyre në një reagim të drejtpërdrejtë ndaj qëndrimit të Kievit. Deklarata e Zelenskit është pritur me pakënaqësi në Tiranë dhe Prishtinë, për shkak se Ukraina vijon të mbajë të pandryshuar pozicionin e saj ndaj Kosovës.
Qëndrimi i shprehur në Beograd ka rihapur debatet mbi raportin e Ukrainës me Kosovën, në një kohë kur Shqipëria dhe Kosova janë rreshtuar politikisht në mbështetje të Kievit pas agresionit rus.
