Sot në Beograd, Volodymyr Zelensky konfirmoi se qëndrimi i Ukrainës për Kosovën nuk ka ndryshuar: Kievi nuk e njeh pavarësinë e saj dhe respekton integritetin territorial të Serbisë.
Deklarata vjen pas takimit të tij me Aleksandër Vuçiç, në një moment kur Serbia vazhdon të ruajë marrëdhënie të kujdesshme me Moskën, por njëkohësisht kërkon të përfitojë nga afrimi me Kievin dhe Brukselin.
Pyetja tani është për Tiranën zyrtare: ata që e kanë pritur Zelenskyn me tapet të kuq, foto, buzëqeshje dhe deklarata entuziaste për “miqësinë” me Ukrainën, a kanë diçka për të thënë kur presidenti ukrainas përsërit nga Beogradi se Kosova mbetet jashtë njohjes së Kievit?
Sepse solidariteti me Ukrainën është i drejtë. Por solidariteti nuk mund të jetë një rrugë me një drejtim, ku Tirana duartroket, ndërsa Kievi ruan me kujdes pozicionin që i leverdis Serbisë.
Nëse politika shqiptare di të fotografohet me Zelenskyn, duhet të dijë edhe të flasë kur ai ia bën dhuratën diplomatike Vuçiçit: Kosovën jashtë njohjes ukrainase
