Mbledhja e fundit e Këshillit Bashkiak në Durrës u zhvillua mes debatesh të ashpra politike, ku një nga çështjet kryesore ishte miratimi i projektit për ndërtimin e kompleksit turistik “Lura 5” në një sipërfaqe pyjore në Gjirin e Lalzit.
Partia Demokratike kundërshtoi betonizimin e zonës bregdetare, ndërsa PS dhe Partia e Lirisë argumentoi përfitimet ekonomike të projektit. Projektvendimi u miratua me 31 vota pro, pavarësisht tre votave kundër nga këshilltarët demokratë.
Një tjetër pikë debati ishte raporti i monitorimit të buxhetit për vitin e kaluar, ku opozita akuzoi për mosrealizim të fondeve të rindërtimit dhe menaxhimit të mbetjeve urbane. Të dyja palët politike akuzuan njëra-tjetrën për dëmet mjedisore të akumuluara ndër vite.
