Minuta tensioni dhe paniku janë përjetuar nga pasagjerët e një avioni të linjës Bergamo-Tiranë të kompanisë Wizz Air, pasi mjegulla e dendur nuk lejoi uljen normale në aeroportin ndërkombëtar të Rinasit.
Avioni qëndroi për rreth 30 minuta duke bërë xhiro në ajër mbi rrethinat e Tiranës, ndërsa pasagjerët ndjenë pasiguri dhe shqetësim për shkak të vonesës dhe kushteve të vështira atmosferike.
Falë profesionalizmit të pilotit dhe ekipit të bordit, avioni arriti të ulet me sukses në pistë, duke sjellë një lehtësim të dukshëm mes pasagjerëve. Ulja e sigurt u shoqërua me duartrokitje të forta, më të zhurmshme se zakonisht, si shenjë mirënjohjeje për përballimin e situatës.
Deri tani nuk raportohet për persona të lënduar, ndërsa situata në aeroport është rikthyer në normalitet pas uljes së avionit.
