- Nëse dëbohet, ajo mund të bëhet sërish viktimë e shfrytëzimit për prostitucion.
Gjykatësit e Brescias në Itali i kanë njohur statusin e refugjates një gruaje shqiptare viktimë e trafikimit: nëse do të dëbohej, ajo mund të bëhej përsëri viktimë e shfrytëzimit për prostitucion.
Ngjarja
Gjykata e Brescias i ka njohur statusin e refugjates një gruaje shqiptare 30-vjeçare, duke vlerësuar se Shqipëria nuk është një vend i sigurt për të. "Është e pamohueshme që, nëse gruaja do të kthehej në Shqipëri, ajo do të rikthehej në një shtet ku mund të gjendej lehtësisht dhe të bëhej viktimë e fenomenit të ri-trafikimit, duke rënë sërish në të njëjtën formë shfrytëzimi," shkruan në vendim trupi gjykues i kryesuar nga Marda Mariarosa Pipponzi.
Argumenti
Është pranuar kështu ankesa e paraqitur nga avokati Stefano Afrune, mbrojtësi ligjor i 30-vjeçares, dhe gjykatësit e Brescias kanë shkruar se gruaja nuk mund të dëbohet, sepse: "Autoritetet nuk investojnë shumë energji në identifikimin e viktimave të trafikimit për prostitucion, ashtu siç edhe inspektorët e punës nuk kanë formim të duhur për të identifikuar viktimat e punës së detyruar."
