Palestinezët, përfshirë shumë fëmijë, dynden për të marrë ushqime të ngrohta nga organizatat e ndihmës mes sulmeve të vazhdueshme izraelite dhe krizës humanitare të shkaktuar nga bllokada izraelite në Rripin e Gazës, raporton Anadolu.
Megjithatë, shumë palestinezë mbeten pa ushqim, pasi ndihma e kufizuar humanitare që hyn në enklavë nuk plotëson nevojat në rritje.
Zyra për media e qeverisë në Gaza njoftoi se gjithsej 87 kamionë me ndihma kanë hyrë në Gaza, duke shënuar dërgesën e parë të tillë në pothuajse 3 muaj që nga mbyllja e pikave kufitare nga Izraeli.
Zyra për media njoftoi se Rripi i Gazës ka nevojë për një minimum prej 500 kamionësh në ditë me ndihma urgjente dhe ndihma mjekësore dhe ushqimore, së bashku me të paktën 50 kamionë me karburant, të gjithë nevojë për shpëtimin e jetës në mes të një urie të përkeqësuar të shkaktuar nga mbyllja e pikave kufitareve të Izraelit për më shumë se dy muaj.
Që nga 2 marsi, Izraeli ka mbajtur një bllokadë të rreptë në Gaza, duke mohuar hyrjen në ndihmë humanitare dhe duke e shtyrë territorin në zi buke, e cila tashmë ka marrë shumë jetë. Thuhet se vetëm 87 kamionë me ndihma u lejuan të hyjnë, me një pjesë të madhe të ndihmës të ngecur në pikat kufitare.
Duke refuzuar thirrjet ndërkombëtare për një armëpushim, ushtria izraelite ka ndjekur një ofensivë brutale kundër Gazës që nga tetori i vitit 2023, duke vrarë të paktën 53.700 palestinezë, shumica prej tyre gra dhe fëmijë.
Nëntorin e kaluar, Gjykata Penale Ndërkombëtare lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën në enklavë.
