Me lot në sy dhe një mesazh të fuqishëm human, kreu i Organizatës Botërore të Shëndetësisë (OBSH), Tedros Adhanom Ghebreyesus, i bëri thirrje Izraelit të tregojë mëshirë dhe të ndalë vuajtjet e civilëve në Rripin e Gazës, duke theksuar se lufta po dëmton vetë Izraelin dhe nuk do të sjellë një zgjidhje të qëndrueshme.
Gjatë fjalës së tij në Asamblenë e Përgjithshme të OBSH-së, të mbajtur dje në Gjenevë, Ghebreyesus u shpreh i prekur thellësisht nga situata në Gaza dhe theksoi se përdorimi i ndihmave humanitare si mjet presioni është i papranueshëm.
“Ju mund të imagjinoni se si njerëzit po vuajnë. Është vërtet e gabuar të përdorësh ushqimin si armë. Është shumë e gabuar të përdorësh furnizime mjekësore si armë”, u shpreh ai, duke i bërë thirrje komunitetit ndërkombëtar që të mos qëndrojë indiferent ndaj krizës humanitare.
Kreu i OBSH-së theksoi gjithashtu se paqja e qëndrueshme nuk mund të vijë nga forca ushtarake, por vetëm përmes një zgjidhjeje politike. “Vetëm një zgjidhje politike mund të sjellë një paqe kuptimplotë”, tha ai.
Apeli i tij vjen në një moment kur Kombet e Bashkuara kanë filluar shpërndarjen e ndihmave humanitare në Gaza, me rreth 90 kamionë që kaluan kufirin ditën e djeshme. Megjithatë, agjencitë ndërkombëtare paralajmërojnë se ndihmat janë ende larg nevojave emergjente të popullsisë civile që jeton në kushte ekstreme mungese ushqimi, uji dhe kujdesi shëndetësor.
Deklaratat e Ghebreyesus pasojnë kritika të shumta nga organizata humanitare dhe vende të ndryshme për situatën alarmante në Gaza, ku numri i viktimave civile dhe pasojat e bllokadës së ndihmave po shtohen çdo ditë.
Kërkesa për “mëshirë” nga kreu i OBSH-së nuk është vetëm një apel moral, por një thirrje për reflektim nga të gjitha palët në konflikt, në një përpjekje për t’i dhënë fund dhunës dhe për të nisur një rrugë drejt paqes dhe stabilitetit në rajon.
Deputetët e opozitës e nisin sezonin para dyerve të SPAK, teksa presin liderin e PD-së, Sali Berisha, të firmosë para një oficeri të BKH-së në zbatim të vendimit të Gjykatës që ka caktuar ndaj tij masën e sigurisë “detyrim për paraqitje”.
Deputetët e opozitës e nisin sezonin para dyerve të SPAK, teksa presin liderin e PD-së, Sali Berisha, të firmosë para një oficeri të BKH-së në zbatim të vendimit të Gjykatës që ka caktuar ndaj tij masën e sigurisë “detyrim për paraqitje”.
Korçë – Sherr me thika në lokal, 3 të plagosur, shoqërohen personat e tjerë të përfshirë në konflikt
Një ngjarje e rëndë është shënuar mbrëmjen e sotme në qytetin e Korçës, ku një konflikt mes dy grupe personash ka përfunduar me përdorimin e thikës dhe armëve të ftohta. Si pasojë, tre persona kanë mbetur të plagosur, ndërsa njëri prej tyre raportohet se ka marrë plagë në zonën e barkut.
Njoftimi i Policisë:
Rreth orës 21:30, në lagjen nr. 1, Korçë, në ambientet e një lokali, gjatë një konflikti për motive të dobëta, janë dëmtuar, dyshohet me mjet prerës (thikë), shtetasit S. Sh. dhe M. Xh., të cilët po marrin ndihmë mjekësore në spital, jashtë rrezikut për jetën.
Shërbimet e Policisë kanë ndërhyrë menjëherë dhe kanë shoqëruar në Komisariat, për veprime të mëtejshme, tre shtetas të tjerë të përfshirë në konflikt, të dyshuar si autorë, konkretisht shtetasit I. Sh., D. P. dhe G. D.
Grupi hetimor, nën drejtimin e Prokurorisë, po punon për zbardhjen e rrethanave të ngjarjes.
Korçë – Sherr me thika në lokal, 3 të plagosur, shoqërohen personat e tjerë të përfshirë në konflikt
Një ngjarje e rëndë është shënuar mbrëmjen e sotme në qytetin e Korçës, ku një konflikt mes dy grupe personash ka përfunduar me përdorimin e thikës dhe armëve të ftohta. Si pasojë, tre persona kanë mbetur të plagosur, ndërsa njëri prej tyre raportohet se ka marrë plagë në zonën e barkut.
Njoftimi i Policisë:
Rreth orës 21:30, në lagjen nr. 1, Korçë, në ambientet e një lokali, gjatë një konflikti për motive të dobëta, janë dëmtuar, dyshohet me mjet prerës (thikë), shtetasit S. Sh. dhe M. Xh., të cilët po marrin ndihmë mjekësore në spital, jashtë rrezikut për jetën.
Shërbimet e Policisë kanë ndërhyrë menjëherë dhe kanë shoqëruar në Komisariat, për veprime të mëtejshme, tre shtetas të tjerë të përfshirë në konflikt, të dyshuar si autorë, konkretisht shtetasit I. Sh., D. P. dhe G. D.
Grupi hetimor, nën drejtimin e Prokurorisë, po punon për zbardhjen e rrethanave të ngjarjes.
Ish-presidenti amerikan, Joe Biden, është shfaqur duke ngrënë akullore dhe duke bërë shaka me qytetarë të ndryshëm gjatë një daljeje të rrallë në Delaware, pavarësisht raportimeve mbi gjendjen e tij shëndetësore për shkak të kancerit të prostatës. Gjendja e tij psikologjike, që nga koha kur ishte në Shtëpinë e Bardhë, ka qenë gjithashtu objekt diskutimi dhe debati në SHBA.
Biden la detyrën më 20 janar 2025, ditën kur Donald Trump nisi mandatin si Presidenti i 47-të i SHBA-së.
Ish-presidenti amerikan, Joe Biden, është shfaqur duke ngrënë akullore dhe duke bërë shaka me qytetarë të ndryshëm gjatë një daljeje të rrallë në Delaware, pavarësisht raportimeve mbi gjendjen e tij shëndetësore për shkak të kancerit të prostatës. Gjendja e tij psikologjike, që nga koha kur ishte në Shtëpinë e Bardhë, ka qenë gjithashtu objekt diskutimi dhe debati në SHBA.
Biden la detyrën më 20 janar 2025, ditën kur Donald Trump nisi mandatin si Presidenti i 47-të i SHBA-së.
Një aksident rrugor është regjistruar pak çaste më parë në dalje të Lezhës, pranë kryqëzimit të Ishull Shëngjinit. Dy automjete janë përplasur me njëra-tjetrën dhe si pasojë e goditjes së fortë, një nga makinat ka përfunduar në një parcelë anash rrugës, duke plagosur 2 persona.
Burimet nga vendngjarja raportojnë se shkak i aksidentit dyshohet të ketë qenë prerja e rrugës nga një automjet që lëvizte në drejtim të Tiranës.
Njoftimi i plotë:
Rreth orës 19:40, në aksin rrugor “Lezhë–Milot”, automjeti me drejtues shtetasin R. D. është përplasur me automjetin që drejtohej nga shtetasi F. P.
Si pasojë e aksidentit kanë mbetur të dëmtuar pasagjeri në automjetin e shtetasit R. D., shtetasi M. V., si dhe të dy drejtuesit e automjeteve. Të tre të dëmtuarit janë transportuar në Spitalin e Traumës, Tiranë, për ndihmë më të specializuar mjekësore.
Grupi hetimor ndodhet në vendngjarje dhe po punon për sqarimin e rrethanave dhe shkaqeve të aksidentit.
Një aksident rrugor është regjistruar pak çaste më parë në dalje të Lezhës, pranë kryqëzimit të Ishull Shëngjinit. Dy automjete janë përplasur me njëra-tjetrën dhe si pasojë e goditjes së fortë, një nga makinat ka përfunduar në një parcelë anash rrugës, duke plagosur 2 persona.
Burimet nga vendngjarja raportojnë se shkak i aksidentit dyshohet të ketë qenë prerja e rrugës nga një automjet që lëvizte në drejtim të Tiranës.
Njoftimi i plotë:
Rreth orës 19:40, në aksin rrugor “Lezhë–Milot”, automjeti me drejtues shtetasin R. D. është përplasur me automjetin që drejtohej nga shtetasi F. P.
Si pasojë e aksidentit kanë mbetur të dëmtuar pasagjeri në automjetin e shtetasit R. D., shtetasi M. V., si dhe të dy drejtuesit e automjeteve. Të tre të dëmtuarit janë transportuar në Spitalin e Traumës, Tiranë, për ndihmë më të specializuar mjekësore.
Grupi hetimor ndodhet në vendngjarje dhe po punon për sqarimin e rrethanave dhe shkaqeve të aksidentit.
